…………………………… .كل أخباري…………………………. …
ياسائلة عن كل اخباري
تاتعرفي بالعمر اسراري
لا تسألي عني وعن الاحوال
حالي رسمتو بقلب اشعاري
الكلمةبعمري المال والرسمال
والحب وحدو كل انواري
وانتي لحالك صورتك بالبال
وإلّا إلك مابيشرق نهاري
انتي بشعري رونق الموَال
ونغمة جمال بعزف اوتاري
عشتي بحلمي شردة الأمال
وفوحة حنان بعطر ازهاري
عشقي إلك بين الحنايا جال
وقطّر بدمّي والوهج ناري
وياما بعتلك مع المرسال
انفاس من لهتات اغواري
الليل شعرك والجبين هلال
وعيون فيي سحرها باري
وخدود لوّنها الجمال ومال
عاشفاف عقّد شهدها الجاري
وصدرك عليه تمايلوا الأحمال
ومعهم تمايل كل مشواري
وزاد بولوعي خصرك الميّال
وقلبي عليكي بلهفتو محروق
وباقي معاكي بكل إصراري

# الشاعر حسين الزين / شحور / لبنان