قصيدة “منع تجوّل بشوارع عيوني”
للشاعرة : هالة نهرا
-×-×-×-×-
كيف أكلْت ضبط منع تجوّل بشوارع عيوني
ما رمشك القانون وأنا دوزانو للوتر..!
جبلي قوّات مكافحة الشغف
تطفي بقلبي نارا لواو العطف
عيونك بترجع تولّعها قبل القطف
يا المتل الزهر، بيغيب سنة وبيحضر شهر
يا المتل العطر، كمشة نقط بكعب السطر…
يا المتل القمر كلما تعتّق بخوابي العمر
يا المتل البحر شعّل موج اللهفة عَ الحجر
يا المتل الفجر وبخمر السما يمَّم شجر
ترجع تقلّي مش حرزان برق نجوم السفَر
عيونِك خدَر، من برقها بيستوحي ضوّو القدَر
(*جميع الحقوق محفوظة)
