” مرتاح البال “

قصيدة للشاعر العميد كابي القاعي

ما تدير دينتك ل حدا …بتضلّك مرتاح البال..

كلمة      تافهة     وشغلة      سخيفة
بتشغل     بال     لِ فْكارو      نظيفة
وسوء      الظن    بِ بَلِّش     يصيبو
فكرة      تاخدو.     وفكرة     تجيبو
وفكرة    تشَوِّش     النِّيّة     الشريفة

قرّرت  ،   ما   أوقع   ،  انا   ب هالفخ
وحِس    عقلي    قبال     جهلي    نخ
رجعت بخيالي  سنين ، ومن هالسنين
صرت حلّل قصص معي مش صايرين
وعرفت  حالي   ليش   صافي    المخ

تاري    وقت    ما   كنت   عم كاغي
نصبت   حاجز   على  مفرق  دماغي
حتى   حكي   التخبيص   والتفنيص
مرقو   على   التدقيق    والتمحيص
تا    ما    يضَل     يقلقني    بفراغي

الشاعر العميد كابي القاعي