اختار موقع ” ميزان الزمان” الأدبي قصيدتين بالمحكية من روائع الشاعر د. ابراهيم شحرور :
-1-
برد
“””
الدنيي برد بتْكون لمّا يْكون
ما في حدا يْحبَّك
يفكّر فيك …
بيصيّف بْقلبَك شهر كانون
بيْطوي حرام البرد
تَ يْغطّيك …
وْلما حدا يْحبَّك
يفكّر فيك
بيفوت عا نومَك قبل مَ تْنام
بيصير نومَك في إلو شْبابيك –
بْيجمع عَ تختَك
كومةِ الأحلام
وْكلْما زحط
عن فرشتَك لِحْرام
بيشعّلِ الأحلام …تَ يْدفّيك …
-2-
الشمس … مش للدفا
“”””””””””””””””””
إمّي … قبل مَ عْيونها تطفي
قالت إلي مرّه :
” عم ضَلّ يَ ابْني فاتحه الدرفِه
والشمس ما بتفوت بالمرّه ” …
قلتلّها : ” بسْ تضحكي نتفِه
بْتلْفي الشمس عا بيتنا المقفي
وْعا ضحكتِك بتْصير تتْمرّا ” …
فكرِك يَ إمّي الشمس بتْدَفّي ؟
ما في دفا بيفوت … من بَرّا …
.
