لولا البكي بيرَجّع الّي فات..
وكتر النحيب يرجّع الي مات..
كنا منقضي عمرنا نبكي..
ومنشتري من غيرنا الدمعات..
كنا بنبكي دم ليل نهار
ونتقكر بالي جرى وشو صار
والروح ما بتشوف الا القهر
والجسم ينهدّ ويلاقي الدمار
لولا البكي بيرجع الماضي
ما كان مر العمر عالفاضي
وما كنت شفت بهالدني قاضي
يحكم بعدل الرب عالكفار
لولا البكي للقلب كان منيح
كانت الزفرات متل الريح
وما راحت الدنيا شيح بريح
ورجعت الايام والقلب محتار
ايامنا مع ها البكي بتكون مهروقة
ونهدات تحرق قلب تطلع ومحروقة
وسنين هالانسان تروح مسروقة
ونقول يا ريت شفنا الدني بعمار
هيك الدني بنعيشها مرة
ايام حلوة تمر او مرة
إنسىَ البكي وابتسم مرة
تا تشوف قيمة عمرك الراضي

#الشاعر والناشر أحمد فواز / لبنان