……………………………… بلادي………………………… .……
اعذرينا يابلادي ياعريقه
الحقيقة زوّروا فيكي الخليقه
بإسم الدين وبإسم الثقافي
ساد الجهل بأهون طريقه
كل شي صار فيكي انحرافي
وصار الحال عاشوار الحريقه
فاض المجتمع حقد وتجافي
ونفوس الشر حكّام السليقه
السياسة تجاوزت حد السخافي
وسلطة. بكل مافيها غريقه
وقادة قلبها الاجرام خافي
ومواطن ضاع بظروفو الدقيقه
والأحزاب يعطيها العوافي
متل غيلان عم يصفر شهيقه
كل شي ملكها والخير وافي
وودايا جوعها الأرعن غميقه
الثقافة للأسف صارت ترافي
نهيق البعض بيقولوا موسيقى
الحقيقة بكل مافيها خرافي
الخرافة بكل مافيها حقيقه
هيدا حالنا بحكم النصافي
ضيقة والفرج مع كل ضيقه
بغير الوعي مافي علاج شافي
وبغير المي مابتزهر حديقه
………………………………………………
#الشاعر حسين الزين / لبنان
