يا طفلة لبنان….

مثل الطّفلة البكياني
لمْضَيْعة لعبة وزعلاني
لوحدا قاعدي حرداني

بنص الصيف وبرداني
هيك حالتك يا بيروت

يا بيروت
الوحدة ما بتلبقلك
البرد كسّرلك عضمك
والزّعل قصّرلك عمرك

ورد نيسان منّهو اخدت الوعد..تَ فستان بتشرين مشكوك كلّو ورد..يتقدّملك يا فخر السنين, تيردّ عنّك شبح البرد..وكليل من ياسمين..هديّة الك من كل فرد

عيونك عم بتنادينا نروح
نزورك بركي بترجعلك الرّوح

صغار وكبار..ايد بايد..وجودنا بحضنك يشفي جروح

ومن انجيل القداسة وراق الايمان..تكون خلاص،
لكل ام مفجوعة عم بتنوح

يا طفلة لبنان
نامي بامان
ضحايا الموت وكل الشهدا .. عم بصلّولك من فوق
بركي الصلا عن قرب
بتزرع السّلام
وبتقبٌع شوك

انزرع صدفة ب هزّمان.

# (الكاتبة جوليانة جبّور/ لبنان )