قديش نام البحر عَ زنودا ،
ونَقْوَد صخر عن بيدر سنينا ،
وزيّن شبابو بْرقّة ورودا ،
تخمين نِسْيِت قَسْوتو، مينا ؟
حتى بَعَتْلا وحش تمّو كبير ؟
أكبر من سهول الملح بكتير …
بْطَيّةْ صبا غمّازةْ خْدودا
نابو غرَز ..، قبّع بَساتينا ….
وعمّر قبر مفتوح عَ المينا !!!
*********
بعرف أنا هونيك بيزقّو
قمح وفرح وعْراس وقناني !!!
مش دم فوق عيون خيفانِه !!!
بْجرن الوجع ، مع فقرن اندقّو ،
انلفّو عرايس ، موت مليانِه ….
يا بحر ودّي لحم لبناني …
#( الشاعر مارون أبو شقرا / لبنان )
