قصيدة بالمحكية اللبنانية

للشاعر حسن خوندي

-×-×-×-×-×-

غايبة الضحكة عن شفافي

لا امل ، لا فرح،  ولا مزحة….

سْألت بالسوق عن دوا شافي

قال في دكان بيوزع الفرحة

عندك بلاقي للبيع بسمة؟

اتطلع ب وجّي ،

حدّق بْ كسمي

شو شاف؟!!! ،

ت يسأل على اسمي

اسمي: حسن ابن عبدالله

قللي:  ما بينفع دوا والله

بس عند جاري…… بياع الامل

وصفات مجرّبة ل كل العلل

بلكي شي وصفة شافية انشالله

اول ما فتت قال بس كلمة:

مفقود الدوا ع حد علمي

انواع الامل ما بتنفعك كِلّا

ولما عرفت…. انو ما بقدر عيش

ولا  كون دغري، … بْ دني كذابي

فْتَحت  إلي دكان على حسابي

حبتين انانية مع ملعقة تطنيش

وما في يومين….

راح سرسابي

ورِجعت الضحكة تدقدق على بوابي.