قصيدة بالمحكية وعتابا لهالة نهرا

-×-×-×-

قصيدة “بال ورا البال”…

في بال بيقعد يتمشّى فيك ليعنّ خْيالك..

وفي بال ورا البال متل باب ورا الباب

وفي باب البال مرّات صوتَك بالخَيال

وفي خِيّال واقف يلمّع ضَهر الفيّ

ليرتاح حصانو من البال

وفي بال عليك متل الشتي فجأة سال..

وفي بال عتّال حامل جبال

كأنن ريشة عود

وفي بال بفنجانك هال

وفي بال غال وحدك إنت مفتاحو

وفي بال شال بيردّ هبوب الهوا عنّك

وفي بال بيلفح الهوى بموّال.

___

عتابا

طبع نجومو عَ وْراقو والمقال

لمّاح حبيبي إن صرَّح وان ما قال

الشوق لحروف عيونو زاد وما قل

خِيّال حصانو هوى سبَق الحباب

هالة نهرا (*جميع الحقوق محفوظة)