(راحْ الوكِتْ)

قصيدة بالمحكية من البصرة

للشاعرة وفاء عبد الرزاق

-×-×-×-×-×-

ﮔومی نِخَدّر ﭼاينه
غطّینه بجفون السَعفْ
شَيمي الـﮔِصَدنا وْجاينه
وخُوطي استكانات الحِلِمْ
بْحِرز المحبَّة تحرّزي
اوْبَدْ لا تـِﮔولي الشاينة
فِلّي دﮔم ثوب الدُفو
واسـگي الشَمِس مِنْ ماينه
ضلوع السَـﮔف طير وجِنِْج
بوﮔـي الوَكِتْ مِنّْ الوَكِتْ
وضَوْﮔیه ِدبْسْ افياينه
خُبْزی العِشِـﮓ للمشتهي
وﮔوليله سهلة وهاينة
كِلّ الـﮔصايب شَتلتكْ
ينـﮔط خجلها بطاسِتكْ
إشربْ خجل واتْداينه
نَدَّه بمنادرها الصبر
وتعلّلتْ بالـﭽاينه
يرعِش يغيمـﭳ يا سمه
خلّيه يمطر عافية
للسدرة عمتي الدافية
كَبري اليِكونْ ومايِكونْ
تمونين عِزمي اشـْﭼَم نجِم
يَلمِسْعدة ويَلماينة
خَدريله هيل اويه الضوه
وصُبّيلَه بيدﭺ چاينه.