“يا قلبي روقْ”

-×-×-×

قلْتِلو يا قلبي رُوقْ
لا تْحِبَّو بَعْدْ بكِّيرْ
قلي وِحْياتِكْ محروقْ
بدِّي حِبَّو كتير كتيرْ
بْيسْتاهَلْ حُبّْ الدنيِّي
ويسْرِقني مِنِّكْ ويطيرْ

قلتلو يا قلبي كِنْ
هَيْكْ بْتِتْرِكْني وبِتْفِلْ؟
من دونَكْ فِكري بيجِّنّْ
وِالرُّوحْ بْتِبْكي ..بتْمِلّْ
عِنْدي خلّيك بأمانْ
ما بتِسْوَالَكْ لِ مْشاويرْ

قلي وِحْياتِكْ مَحْرُوقْ
بدِّي حِبَّو كْتيرْ كتيرْ
بْيسْتَاهِلْ حُبّ الدِّنْيِّي
وْيسْرقني منِّكْ وِيطيرْ

( الشاعرة أمل ناصر/ لبنان )