#من جعبة العميد الشاعر غابي القاعي , اخترنا هذه القصيدة المحكية :
قال الشاعر القاعي:
هالقِصّة مطبوعة ب ذاكرتي من زمان، رح خبّركن اياها ،بالكلمة والصورة :
شو تغندرت عا كتفها الجرّة
ويتسابقوا تا يوقفوا قبالا
شبيبات كانوا يرافقوا خيالا
يحكوا وتسمع وت َترِد حِرّة
تكَسر شَّر او تكَسرِ الجرّة
انكَسرِي يَ جَرّة…. مش على بالا
ما الحلا عندا معتقتو ب جرار
تخَمّر ع مهلو ، بجسمها ت صار
ب لون البدر ، ل عا وِجَْا تمرّى
حتى يشوف حالو ، متل حالا
وم َ تشوف حالا ، بس شي مَرّة
#وردا على تعليق جاء فيه : ” رزق الله ع ايامك يا درب العين ” أفاض الشاعر بالأبيات التالية :
رزق الله عا ايامك
يا هاك العين
ربينا كبرنا بمقامك
عشّاق تنَين
ياما حفرنا ع رخامك
سهم وقلبين
وتعاهدنا قدّامك
نبقى احباب
