الرحيل

#كتب جهاد حسن / ألمانيا:

مافي حدا بيعملْ حسابْ ليوم الرحيلْ
وهاد اليومْ مابيعرفو حدا
عمْ منركضْ
وعمْ منتعبْ
وعمْ نظلمْ ناس كتيرْ بدون قصدْ
ومافي حدا حاسبْ حساب
ليومْ راحْ نتركْ فيهْ كلْ شيْ ونرحلْ
وقت البتفكّر في هالدنيا
بتلاقيها وهمْ وسرابْ
منركضْ وراها
وننسى الحقيقةْ في كلْ دقيقةْ
مشغولين فيها تاركين أغلى الحبابْ
عتبي عليكْ يا إنسانْ
إنتَ مجبورْ بأخوك والجيرانْ
دنيا غرورةْ بتغريكْ
وبتنسى كرمالها أغلى الأصحابْ
وفي ناس كتيرْ عمْ تظلمْ بدون وعي
مفكرين الدنيا راح تبقى ألونْ
بتمنّى من كلْ إنسانْ يفكّرْ
في ناس قبلنا كتيرْ كانوا عايشينْ ومابقي منهم غير الأثرْ
وشويّةْ خبرْ