حاسسْ إنكْ تعبانْ
والهّم خلاك نسيانْ
ومفكّرْ نفسك عايش وحدكْ بالأكوانْ
الهّم لازم نشعر فيه
وقت يلازم أي إنسانْ

الله خلقنا ضيوفْ فالدنيا وراح نمشي
قبلنا شعوب كتير عاشت على الأرض
وممكن شعورك يغير كتير وقت بتكون إنسانْ

والمفروض إللي عندو وجدانْ ضميره ماينامْ

كتير من البشر هموما بتبكي الصخر
ومنحكي معاهم وفي كلامهم قوة الإنسانْ
وجعهم مخبا في قلبهم والبسمة على وجوههم عنوانْ

عايشين كل يوم بقَدَرهم مرتاحين
وفي ناس عندهم من كل الخيرات ومافي رضا
القصة بالنهاية قناعة ورضا وراحة بالْ
ومافي إنسان خالد على وجه الأرض
ضيوف عابرين بالدنيا وراح نترك كل شي ونرحل
والقصة بدها فهم وطولة بالْ..

# الكاتب السوري جهاد حسن / المانيا