بيي قال :
“ضاق المدى بس كبرت الخيبة
و صارو عليي صغار عينيي
ع حاجبي عم تِزحط الشيبة
تفضح عمر هربان من دييّ “
ردّيت قلتلو :
” بعدو الحلا .. نقطة ب قناديلك
حرفك بيضوّي “بيوت” مطفيّة
مش شيب هيدا لْ طلّ يوميلك
قلبك ع وجّك حَلّ يا بيي”
#عامريّات
# وهنا قصيدة ملفتة كان قد كتبها الشاعر كريم عامر , قال فيها :
قدّيش اسمك صار عم يعمل فَرِق ؟
متل السما
لي حركَش بجسما البَرِق
مِتل الوما ..
لمّا ع مفرق بال بِ خيالي مِرِق
شرشر قصيدة ضوّ
صعبة إفهما
و ما بتنمحي !!
إسمك وحي
شفافو شِعر
ومغارتو موّال
حروفو متل عنقود دَوْبُ اللي صحي
بقلبو طعم لْ نبيد بعدو بيستحي
بشوفك سما
ونجومها خلخال
عم ببرم عليكي وضعت!
شكلو القدر محتال
من هيك كِف ما برمت..
ببقى مطرحي !
#عامريّات
حلوووو كتير