# مجتمع طرشان #
كثرة حكي وتنظير مابينفع
لبنان كلّو صار متوجّع
طالت الغفوة ياشعب لبنان
حلّو بقى شمس الوعي تطلع
بموطني صار الحجر يأسان
والشعب غافي غفوة المهجع
متل لكأنّو مجتمع طرشان
بيحكي ولكن صعب تايسمع
لبنان فيه تحكّموا الغربان
وعاقياس كفر الحاكم توزّع
سرقوا الوطن وتحطّم البنيان
وبعدو الشعب عالجهل متربّع
ياشعب فيق وغيّر العدّان
عايش ذليل وعمرك مرقّع
لا النق بيفيدك. ولا الخذلان
ولا العنصريّة حقك بتدفع
اصحى وحطّم كامل الاوثان
وعنك غبار الطائفة ارفع
الّا بإيدك مابتحفظ شان
والّا بثورة الحق مابيرجع
والّا بثورة الحق مابيرجع
# الشاعر حسين الزين / شحور / لبنان
