ورد العبد الله / لبيروت
ياسمين
مَجنون عَم يِسأَل على مَجنون
بَيْنِاتهُن مِشْ بَسّ فِيه جْنون
في مِلْح أبيَض طَعْمتو حِلوي
وْفي خِبْز (لَو أسمَر) عَمِ يْضَوّي
وْبَيْنِاتهُن دِنْيِي مَا فيها كْتار
بْيِحكي رَجَبْ ، بيجِاوبو نَوّار
وْبَيْنِاتهُن بيروت !
مْسِاكين …
طالِع عَبِالُن يِلعَبوا
وِالْلِعبِة بَيْتِ بْيوت
مْجِانين …
ما في حدا مِنهُن … سَأَل شو صار
أو كيف بَرّا النِّاس عَمْ بِتْموت
مْسِاجين …
ما في حدا مِنهُن … عِرِفْ مَسجون
يَاسمين …
يِمكن … لَأَنْ مَرّات بيكون العَقِل
شَتْلِة … مَا فِيها عْيون !
# الشاعر ورد العبد الله / لبنان
