” الجرح المرا “
………………….
وفلّيت
متل لْ كأنك بالعمر ما كنت
وشفتك معا
عم يضحكو عيونك
عم ترقصو
ومتل ل عَ خصرا سكنت
وبواب قلبك
مش عم تخونك
طب كيف !
مش كنّا سوى !
وحبّيتني صغيرة
وغنّجتني
ولعّبتني
ورقّصتني غيرة
طب كيف عم ترقص معا ؟
ولك كيف قلبك سايعا ؟
مش قلت إنّي فيه !
مش عا أساس لْ مش معي
من عمرك بتمحيه ؟
بتعرف !
شو بدنا بالحكي
ما عاد بمْحلّو
قلّا عن لساني ضْحكي
خدتي العمر كلّو
وشي يوم لولا ذكرتني تروّى
ضبّ الوجع وقبالها تقوّى
هيدي مرا
بتعرف تلاقي الجرح
رح تفتحو وتشوفني جوّا
# ( الشاعرة سالي كوسا / ألمانيا )
