قصيدة ” يا رَيْت “
باللهجة العاميّة اللبنانيّة
شعر: ماجد طعمة

مْبارِحْ انْدَقْ البابْ
فْتَحتْ ما لْقَيتَكْ
يِمكِن حِلْم كَذابْ
يِمكِن صَدى صَوتَكْ
معْقولْ ع السّكّيْتْ
زِرتْنِي وفَلّيتْ
تتدِقّ هالدقّة
وتِترُك الحَرقَة
بقلب صارلو سنين
عايِش الفرقَة
يا رَيْت بَعْد غِيابْ
تْرَكتْ شي ورقَة
أو كَتَبتْ ع البابْ
مِشْتاقْ حبَّيتَكْ
وجِيتْ عَ بَيتَكْْ
جِيتَكْ أنا سِرقَةْ

يا ريتْ ما استعجَلتْ
ودُغري اختفيْتْ ورُحتْ
كنت انطرتْ لَحظةْ
قلّك أنا أدّيشْ
هالقلبْ شو جَرّحْتْ
بِغْيابَكْ الكِلمِة جِمْدِتْ
علَى لْْسانِي
والْقهْر ع غْيابَكْ
نشَّف عْروقِي وصِرتْ
يمكِن حَدا تانِي
فْقَدْت الأمَلْ بالحبّ
والحُزنْ نسَّانِي
وما عاد عِندي قَلبْ
يِعشَق حَدا تانِي
عايِشْ على السّكّيتْ
بهالكَونْ وَحْدَاني