…… . .………………… هونيك………………………… .
انتي وانا وريشة براها النور
واحلام مسموحه
عشنا سويّة بعالم المسحور
وامال مفتوحة
هونيك… دنيا مزينة بزهور
والغيم مرجوحه
حب وجمال وتمتمة وعطور
والناي مبحوحه
………………………………… .. .
وتاتكمل الدنيا وحلاها يزيد
والحب يدلق نور
عيشي معي والعمر عمر جديد
شعر وحلى وزهور
الانهار فيها من عسل ونبيد
وخدّامنا من الحور
وطيور منها الزقزقة زغاريد
والعزف شهق عطور
…………………………………… ..
هونيك….. عالم اشبه بجنّي
فيه القمر هيمان
فيه الهوا نسمات بتغني
وكل السنة نيسان
هونيك….. حبك في إلو رنّي
وعطر الورد دلقان
والشعر يقطر منّك ومنّي
من اجمل القصدان
…………………………………………… ..

# الشاعر حسين الزين / شحور / جنوب لبنان