…………… ..………… ..كفّة قبال كفّة……………………………
الحكم والشعب كفّة قبال كفّي
والميزان بعيارو عاحفّي
حكم متسلّط وميت ضميرو
وشعب عالجهل احوالو ملفّي
محال الحال يتغيّر مسيرو
ولا الثوب العياري رح يدفّي
واذا هالشعب مااستدرك مصيرو
بقعر الذل كلّو رح يصفّي
ياشعب لنام عافرشة عفيرو
بقداسة جهل فيها كل خفّي
زعيمك. نام عافرشة حريرو
وحقوقك كلها بجيبو مغفّي
جريمة الشعب مايعرف نصيرو
نصيرو العقل والوعي الموفّي
واذا للجهل رح يبقى اسيرو
الحاكم رح يزيد من التشفّي
الحاكم بالكذب اطلق نفيرو
سارق. … فاسد.… وكفرو. مخفَي
ذئب مستشرس وعالي زئيرو
وعاجهل الشعب عم يبني كيانو
بيكفّي جهل ياعالم بيكفّي

#الشاعر حسين الزين / شحور / لبنان