حياتك مش إلك

بتدِّقّْ…
بتقلَّك ع مهلك فوت
بتعاملك متل الملك
بتشنشلك بالدرّْ والياقوت
يوم تاني بتسألك
مين إنت…مين الدخَّلك
كيف ركَّبت الفلك فوق الفلك…تا تفوت؟
بتقول كلمة بتهملك
متل الكإنَّا نادرة ما تكلِّما
بتزيد كلمة بتعملك كافر بناموس السما
ما بتعترف بالدين واللَّاهوت
هيدي حياتك مش إلك
…ما بتعرِفا

برد ودفا مغطَّى بورقة توت
بتموت حتى تكشِفا
!وما بتكشِفا تا تموت

” الشاعر خضر حيدر/ خاص موقع ” ميزان الزمان #