” حديث الورقة والقلم ”

قصيدة بالمحكية المغاربية

للكاتبة حليمة تلي

حليمة تلي

-×-×-×-

حديث الورقة ولقلم

***

الوَرْقَة قالت لَقْلمْ

مالك سَاهِي تَحلمْ

معايَ وْغايَبْ

ماتَتْكلَّمْ؟

عَيّانِي صْبَرْ

وَاشْ ولِّيتْ بْكَمْ؟

خَلِّينِي يا لَعْزيزَة سَاكَتْ.

حَامَلْ وَحْدِي

هاذْ الهَمْ

راهْ إلى حْكيتْ

وَلاَ واحدْ فِينا يَسْلمْ

هَاكْذَا قْالْ التَّارِيخْ

مَنْ عَاهَدْ حَوا وَادَمْ

واهْ، واهْ يَا لَقْلمْ!

هًاذْ شِّي يْخوًّفْ

ويَصْدمْ!!

آيِّيهْ يَا لالَّة

مَا بْقَى مَا يَعْجَبْ

لْوَلْدْ يْسَبْ فبَّاهْ وْلُمْ

وْصَاحَبْ لحَقْ

مَغْبُونْ مْكَمَّمْ

وْكْثيرْ مَنْ هَاذْ الهَمّْ

إلَى نْزلْ عْلى جْبَلْ

يَتْهَدَّمْ.

إِوَ لَحْديثْ قْياسْ

يَا سِيدْ لَقْلَمْ!

وَا فِينْ لَقْياسْ يَا بَنتْ الناسْ؟

رَاهْ فَاضْ لْكَاسْ

غِ لٍّي مَا بْغَى يَفْهَمْ!

لَرْضْ غَاطْسَة فْ الدَّمْ

مَا بَاينْ فيها

رَاسْ مَنْ قْدَمْ

وَسْما غَضْبانَة

ما بْغاتْ تَرْحَمْ

ولْخُو بْلا سَبّة

مْخاصَمْ وْلايَمْ

غِ خَلّيهَا

عْلَى الله الدّايَمْ

إو تْكَايَسْ وْسَايَسْ

لَ تْجِي فيكْ النُّوبَة

وْتَتْلَجَّمْ!!

راضِي يا لاَلّة وْنقاومْ

بكلمتي نْدافعْ

وَنَضْربْ الظّالَمْ

اليَدْ فْ اليَدْ نَبْني وْنْرَمَّمْ

مَا بْقَى، وما تْهَدّمْ

عُمَّرْنا مَا نَتَّهزَمْ.

عَادْتَك مَاشِي جْدِيدَة يَا لقْلَمْ

طِّيحْ وْتْنٌوضْ

مَا تَسْتَسْلَمْ

بَصَّحْ يا لاَلّة!

ولِّيتْ عْليكْ نْخافْ

وْمَنكْ نَحْشَمْ

لَكْلامْ قُدَّامكْ يَتلَفْ

وَلْسانْ يَتْكَتَّفْ

انْتِ وَاشْ خَصَّكْ

بهاذ الغَمْ.

مَالِي حِيلَة يَا لَقْلمْ

نْزَكَِي وْلاّ نَكْتَمْ

زَهْري هُو هَذا

لازم نَشْربْ

من هاذ السَّمْ.

طْريقْنا واحدْ

عْلى قُربكْ ما نَنْدَمْ.

يدوبْ الصْمتْ.

وْتموتْ الشَّكْوى ف الفمْ.

قَدَّامْ الغادي  والجَّايْ

والشّيخْ ولَمْقَدّمْ.

هكذا بْغاتْ لْوَرقَة وْلقْلَمْ

هو يْتَمْتَمْ وْهِيَ تَفْهَمْ.

حليمة تلي 27/06/2023

الكاتبة والاعلامية حليمة تلي