حَقّ التّابوتْ

***

بِالْأَوَّل وْبِالْآخِر

بْيِبْقى إِلَكْ حالَكْ

وَحْدَكْ بَلا خْيالَكْ

ما تْفَكِّر وْما يِنْشِغِلْ بالَكْ.

لا أَهْلَك

وْلا حْبابَك

وْلا صْحابَك

وْلا رْفاقَك

وْلا قِرْش مِنْ مال الدِّني

بُكْرا بيِبْقالَكْ.

حالَكْ إِلَكْ؟

مينْ قال؟

ما بْيِبْقى إِلَكْ.

شو ما قِلِتْ

شو ما عْمِلِتْ

خَبّي إِلَكْ قِرْشَيْن بِقِجِّةْ عَتِمْ

حَتّى بَعِدْ ما تْموت

إِنْت بْتِكْسِرا

وحَقّ التّابوت بْتِدْفَعو

بِالْقَبْر مِنْ مالَكْ.

***

( الشاعر حبيب يونس )

9 – 9 – 2021

(الصّورة بعدسة جان أبي رزق)