(مشلح مطرز)

( للشاعرة كلوديت عقيقي )

-×-×-×-

مينِ لْلي قَلّك هالعُطر بدّي
سلسال يلمع دهبْ عا خدّي
مينِ لْلي قَلّك ناطره عا نار
مشلح… مْطرز يلبَقِ لْ قدّي
وْمينِ لْلي قَلّك هالعُطر بدّي؟

مينِ لْلي قَلّك حُبَّك قْوانين
دبدوب أحمر حامِلِ بْوالين
فْساتين حلوه وْخزنِة مْلايين
وْشالات فوق كتاف بتهَدّي
وْمينِ لْلي قَلّك هالعُطر بدّي؟

لو تفتَحو لْ قلبي رَح تْلاقي
ساحات مزروعه بِأشواقي
انتَ الوحيد الكايِن وْباقي
وْعا غير زندَك ما إلي مخدّه

عيونك إلي… حلوه لْ خبريّه
بهْديك قلبي وْنور عينيّي
بالحبّ نحنا في لِنا هديّه
شبّ وْصَبيّه … حدّك وْحدّي
وْمينِ لْلي قَلّك هالعُطر بدّي؟